Gott viðtal í kastljósi

Mikið var gott að fá Davíð aftur í viðtal, hann hefur ekki komið í viðtal síðan hann sagði að við ættum ekki að borga skuldir óreiðumanna. Þá varð allt vitlaust, baugsmiðlar, samfylkingin og allir þessir hagfræðingar úr háskólanum lögðust á eitt með að rægja niður og snúa útúr öllu sem hann sagði. En hvað hefur komið í ljós síðan þá ?? Allt sem hann sagði var rétt, það komst upp um Jón Ásgeir götustrák, hvernig hann falsaði gengi bréfa í Íslandsbanka og hvernig Ólafur í samskip og Exista gerðu það sama í KB banka. Ef íslendingar eru svo heilaþvegnir af fjölmiðlum að þeir geta ekki myndað sér skoðanir út frá staðreyndum að þá er ekki von á góðu hér á fróni. Ef fólk er svo klikkað að halda að Davíð sé vandamál íslendinga eins og Jóhanna, Imba frá Haugi og nokkrir viðskiptafræðinga úr háskólanum vilja meina að þá er illa fyrir okkur komið.

Davíð er einn besti forsætisráðherra sem við höfum átt undanfarna áratugi og hann er sannur íslendingur, hann vill að við höldum sjálfstæði landsins og vill vernda velferð almennings. Það væru ekki þessar væringar og aðgerðaleysi í stjórnarráðinu ef hann stýrði málum þar því hann er fæddur leiðtogi.  Að sjálfsögðu gerir hann mistök eins og aðrir og hann mundi sjálfsagt gera einhverja hluti öðruvísi í dag en það þarf stundum að taka ákvarðanir hratt og ég held að hann hafi gert það besta sem hægt var miðað við ástandið. Það besta sem gæti komið fyrir Ísland núna væri að Davíð tæki við stjórn landsins, hann mundi rasskella bretana með Ices(l)ave papírunum og sjá til þess að við fengjum stolt okkar aftur, hann mundi taka óreiðumennina upp á rasshárunum og láta þá skila því sem þeir stálu frá sparifjáreigendum landsins og síðast en ekki síst þá mundi hann passa vel uppá að við héldum sjálfstæði landsins og esb gæti farið til ........ . Ég vill að lokum þakka einum framsóknarmanni fyrir að hugsa um hag íslendinga og sjá til þess að einkafrumvarp kvennlistans og undirlægju flokksins VG um stjórn seðlabankans skyldi stoppað og mönnum gefin kostur á að meta það út frá öðru en persónulegu hatri.  Það er þá til 1ærlegur framsóknarmaður í þessari nefnd.

Helgi Magnús: Davíð sendi bréf

Athugasemdir

[Sturla Snorrason, 24.2.2009 kl. 22:02]

100% sammála

[Margrét Elín Arnarsdóttir, 24.2.2009 kl. 22:23]

Ójá, mikið vildi ég gera til að fá að sjá Davíð takast á við Brown á sínum tíma, hugsa að stór hluti heimsins hefði fylgst með þeirri orustu...

[Grétar Einarsson og Óskar Ásgeir Ástþórsson , 24.2.2009 kl. 22:32]

Já gott viðtal ef einhver hefur skemmtun að því að horfa á mann gera lítið úr sjálfum sér með hroka og útúrsnúningum.

Grétar Einarsson

[Ólafur Jóhannsson, 24.2.2009 kl. 23:41]

Já. Þetta viðtal var sérlega áhugavert. Sérstaklega þegar hann fór að tala um gæðinga í viðskiptalífi og pólitík sem voru með sérstaka vildarþjónustu hjá bönkunum.

Það var skoðun mín að Davíð hefði átt að skipta sér útaf í október, en ég er ekki svo viss um það lengur. Hann hefði frekar átt að koma fram og láta allt flakka sem hann vissi og láta þáverandi stjórnvöld og aðra þá sem sátu með lokuð augu, svara strax fyrir hvers vegna ekki var hlustað á viðvaranir seðlabankans...

Kveðja;